Leiðtoginn í mér

Tilgangurinn er að undirbúa næstu kynslóð að takast á við áskoranir og tækifæri 21. aldarinnar. Verkefnið snýst ekki um að búa til litla leiðtoga úr öllum börnum, heldur að hjálpa hverjum einstaklingi til að blómstra. Hver einstaklingur fær þannig tækifæri til að vinna út frá sínum eigin styrkleikum og verða besta útgáfan af sjálfum sér. Í grunninn byggir hugmyndafæðin upp skilning og færni til að geta borið ábyrgð á eigin ákvörðunum og þannig mótað líf sitt til hins betra ásamt því að þroska samskiptahæfni nemenda og starfsfólks.

Skólar sem innleiða leiðtogaverkefnið skuldbinda sig til að halda svokallaðan leiðtogadag a.m.k. einu sinni á ári. Leiðtogadagurinn er til að veita börnunum möguleika á að þjálfa sína leiðtogahæfileika í raunverulegum aðstæðum. Gestum er boðið í leikskólann þann dag og sjá börnin um kynningu á sínum skóla, fá hlutverk á deginum s.s. móttökuleiðtogi, gestabókaleiðtogi, leiðsagnarleiðtogi og veitingaleiðtogi.

Markmiðið í Andabæ er að koma auga á styrkleika barnanna og hjálpa þeim að bera kennsl á þá.Einnig eru börnin með ýmis leiðtogahlutverk yfir allt skólaárið sem eru breytileg ár frá ári enda valin í samráði við börnin.Börnin eru t.d. þjónaleiðtogar, bókaleiðtogar, vinaleiðtogar o.s.frv. mismunandi eftir aldri. Unnið er að því að hvert barn verið besta útgáfan af sjálfu sér til að takast á við verkefni framtíðarinnar. Leiðtogaverkefni eru unnin yfir alla skólagöngu barnsins og er þeim safnað í möppu sem er einnig heilsubók barnsins og verður eign þess þegar leikskólagöngu lýkur.



1.TAKTU AF SKARIÐ

Taktu ábyrgð,þú átt val!

2.Í UPPHAFI SKAL ENDINN SKOÐA

Settu þér markmið. Þekktu þinn tilgang og skilgreindu þína framtíðarsýn.

3.MIKILVÆGUSTU HLUTIRNIR FYRST

Gerðu hlutina í réttri röð-forgangsraðaðu

4.HUGSAÐU, ALLIR VINNA

Allir sigra, saman-leitum við sameiginlegra hagsmuna

5.REYNDU FYRST AÐ SKILJA OG GERÐU ÞIG SVO SKILJANLEGAN

Skilja út frá hinum ekki okkur.

6.SAMLEGÐ

Saman náum við lengra

7.BRÝNDU KUTANN

Heilbrigð sál í hraustum líkama-finndu

jafnvægi í lífinu


Hér má nálgast meiri upplýsingar um verkefnið


© 2016 - 2018 Karellen